Projektet

Ky projekt synon të forcojë angazhimin dhe lidershipin e sektorit privat në Kosovë drejt tranzicionit të gjelbër, përmes dialogut strategjik, analizave të bazuara në evidencë dhe koordinimit ndërmjet akterëve kyç. Projekti kontribuon në promovimin e dekarbonizimit, ekonomisë qarkore dhe integrimit të praktikave ESG, duke mbështetur bizneset në përafrimin me standardet klimatike të BE-së dhe strategjitë kombëtare.

Projekti “Mobilising Kosovo’s Private Sector for the Green Transition” synon të mobilizojë dhe fuqizojë sektorin privat në Kosovë për të kontribuar në tranzicionin e gjelbër dhe zhvillimin e një ekonomie të qëndrueshme dhe me karbon të ulët. Përmes këtij projekti, Rrjeti CSR Kosova mbështet bizneset në rritjen e ndërgjegjësimit, zhvillimin e kapaciteteve dhe përgatitjen për integrimin e praktikave të energjisë së ripërtëritshme, efikasitetit energjetik dhe standardeve ESG.

Projekti kontribuon në forcimin e gatishmërisë së bizneseve për dekarbonizim përmes trajnimeve, studimeve të bazuara në evidencë dhe promovimit të lidershipit në qëndrueshmëri. Projekti financohet nga Dukati i Madh i Luksemburgut dhe implementohet nga LuxDev, Agjencia e Bashkëpunimit për Zhvillim e Luksemburgut, në bashkëpunim me Rrjetin CSR Kosova.

The “Expanding Choices: Gender-Responsive Family Policies for the Private Sector in the Western Balkans” project is implemented in Kosovo by the Kosovo CSR Network under the United Nations Population Fund programme and funded by the Austrian Development Agency. The project aims to advance the adoption of gender-responsive and family-friendly workplace policies within the private sector, contributing to improved employee well-being, gender equality, and inclusive economic participation.

Kosovo, the Kosovo CSR Network works closely with private sector companies to operationalise the Family-Friendly Workplace Model and translate policy commitments into measurable action. Through technical assistance, policy review and development, capacity-building workshops, peer learning, and structured engagement with champion companies, the project strengthens institutional readiness to integrate equality-driven and socially responsible workplace standards.

Projekti “Workplace Equality: Women Empowerment Project” synon të avancojë barazinë gjinore dhe të fuqizojë gratë në sektorin privat në Kosovë, duke promovuar mjedise pune gjithëpërfshirëse. Projekti angazhon kompani nënshkruese të Parimeve për Fuqizimin e Grave (WEPs) për të realizuar vlerësime të hendekut gjinor, për të zhvilluar Plane të Veprimit për Barazi Gjinore dhe për të organizuar aktivitete për ngritjen e kapaciteteve.

Përmes fushatave promovuese, ngjarjeve për shkëmbimin e njohurive dhe zgjerimit të rrjetit WEPs, projekti kontribuon në krijimin e një fuqie punëtore më të barabartë, duke rritur pjesëmarrjen ekonomike dhe mundësitë për zhvillim profesional të grave.

Projekti “Boosting Gender Diversity in the Boardroom” synon të avancojë përfaqësimin dhe ndikimin e grave në bordet drejtuese dhe strukturat menaxheriale të bizneseve private në Kosovë. Projekti kontribuon në adresimin e pabarazive gjinore përmes mentorimit individual nga gra lidere, trajnimeve për zhvillimin e lidershipit transformues dhe organizimit të ngjarjeve të rrjetëzimit profesional.

Përmes këtyre aktiviteteve, projekti synon të fuqizojë gratë, të rrisë kapacitetet e tyre udhëheqëse dhe të promovojë një kulturë më gjithëpërfshirëse dhe të barabartë në vendin e punës.

Projekti “Kosovo Generation Unlimited” u zbatua nga Rrjeti CSR Kosova dhe u mbështet nga Programi i UNICEF-it në Kosovë dhe Agjencia Suedeze për Bashkëpunim Ndërkombëtar për Zhvillim nga viti 2020 deri në janar 2025. Projekti synonte të avancojë një koalicion me shumë palë të interesit në Kosovë, i cili zhvillon një agjendë të përbashkët për transformimin e tregut të punës.

Projekti kontribuon në krijimin e mundësive për të adresuar nevojat e paplotësuara të të rinjve në fushën e arsimit, zhvillimit të aftësive dhe përmirësimit të qasjes së tyre në tregun e punës, duke nxitur bashkëpunimin ndërmjet sektorit privat, institucioneve publike dhe partnerëve të zhvillimit.

Rrjeti CSR Kosova implementon projektin “Fostering Sustainability through Circular Economy and Corporate Social Responsibility”. Projekti përkrahet nga GIZ Kosova në kuadër të programit “Shërbime të Qëndrueshme Komunale”, i cili bashkëfinancohet nga Bashkimi Evropian dhe Ministria Federale Gjermane për Bashkëpunim Ekonomik dhe Zhvillim (BMZ).

Ky projekt synon të promovojë praktikat e ekonomisë qarkore dhe të përgjegjësisë sociale të korporatave, duke mbështetur bizneset dhe institucionet në adoptimin e modeleve të qëndrueshme që kontribuojnë në mbrojtjen e mjedisit dhe zhvillimin ekonomik afatgjatë.

Projekti “Skema e Mentorimit” implementohet nga Rrjeti CSR Kosova dhe përkrahet nga Programi i UNICEF-it në Kosovë dhe Agjencia Austriake për Zhvillim (ADA). Ky projekt synon të kontribuojë në fuqizimin dhe zhvillimin profesional të të rinjve, duke rritur kapacitetet e tyre dhe mundësitë për pjesëmarrje aktive në tregun e punës, si dhe në proceset e politikëbërjes dhe vendimmarrjes.

Përmes angazhimit të mentorëve nga sektori privat dhe profesionistëve të rinj, projekti ofron mbështetje praktike, udhëzim profesional dhe zhvillim të aftësive, duke ndihmuar të rinjtë të përgatiten më mirë për sfidat e karrierës dhe integrimin e suksesshëm në jetën profesionale.

Pakti Evropian për Rininë (European Pact4Youth) është një angazhim i përbashkët i biznesit dhe liderëve të Bashkimit Evropian për të mbështetur punësueshmërinë dhe përfshirjen e të rinjve. I inicuar nga CSR Europe, Pakti bashkon përfaqësues nga sektori i biznesit, arsimi dhe rinia, si dhe institucionet evropiane, si në Shtetet Anëtare të BE-së ashtu edhe në Republikën e Kosovës.

Pakti synon të nxisë bashkëpunimin ndërmjet bizneseve, partnerëve socialë, ofruesve të arsimit dhe trajnimeve, organizatave rinore, shërbimeve publike dhe private të punësimit, mësimdhënësve, trajnerëve, nxënësve, prindërve dhe aktorëve të tjerë kyç. Përmes këtij bashkëpunimi, inkurajohet zhvillimi dhe konsolidimi i partneriteteve që kontribuojnë në përmirësimin e aftësive, rritjen e mundësive për punësim dhe përfshirjen aktive të të rinjve në tregun e punës dhe në shoqëri.