Këtë javë shënuam katër vite pune dhe bashkëpunimi të suksesshëm përmes Kosovo Generation Unlimited (KGenU)—platforma më e madhe në Kosovë, e dedikuar fuqizimit të të rinjve dhe suksesit në karrierë.
Kosovo Generation Unlimited u takua me prindërit në Shkollën Ali Kelmendi për të prezantuar mundësitë për zhvillimin profesional të të rinjve, trajnime dhe praktika pune, duke theksuar mbështetjen e komunitetit për brezin e ardhshëm.
Kosovo Generation Unlimited prezantoi platformën e saj në Energy Fair të RIT Kosovo, duke ofruar të rinjve mundësi për të fituar aftësi, përvojë profesionale dhe lidhje me kompani inovative.
Kosovo Generation Unlimited ofron mundësi praktike për të rinjtë që idetë e tyre t’i shndërrojnë në ndikim real në komunitet, duke nxitur aftësi, kureshtje dhe angazhim qytetar.
Në kuadër të programit Kosovo Generation Unlimited, 40 të rinj morën pjesë në një sesion frymëzues me sipërmarrësin dhe anëtarin e Bordit të Kosovo CSR Network, Ardian Hoxha. Gjatë diskutimit dinamik 75-minutësh, ai ndau rrugëtimin e tij sipërmarrës, këshilla praktike për vendosjen e qëllimeve dhe zgjidhjen e problemeve, si dhe motivoi të rinjtë të veprojnë drejt ambicieve të tyre profesionale.
Në kuadër të Kosovo Generation Unlimited, të rinjtë nga Ferizaj u takuan me Fatmir Miftari, Co-CEO i OXA Group, për të mësuar rreth udhëheqjes, inovacionit dhe zhvillimit të karrierës. Vizita ofroi njohuri praktike mbi ndërtimin e një karriere të qëndrueshme dhe përfundoi me një kuiz interaktiv ku një studente e arkitekturës fitoi mundësinë për punë praktike.
Takimi rajonal i Kosovo Generation Unlimited në Ferizaj bashkoi të rinjtë dhe përfaqësuesit e bizneseve lokale për të eksploruar mundësi të reja trajnimesh, internshipesh dhe punësimi. Aktiviteti theksoi rëndësinë e zhvillimit të të rinjve, rolin e bizneseve në fuqizimin e gjeneratës së ardhshme dhe përfitimet e angazhimit në platformë për të rinjtë dhe bizneset.
