Gjatë këtij muaji, anëtarët e Rrjetit CSR Kosova janë bashkuar për të rritur ndërgjegjësimin mbi zbulimin e hershëm, kontrollet e rregullta dhe dialogun e hapur për shëndetin dhe kujdesin ndaj vetes. Kjo fushatë na kujton se kujdesi, empatia dhe solidariteti duhet të jenë pjesë e përditshme e kulturës organizative.
Në kuadër të fushatës Tetori Rozë, ProCredit Bank Kosova bashkëpunoi me Rrjetin CSR Kosova dhe UNFPA Kosovë për të rritur ndërgjegjësimin mbi kancerin e gjirit tek punonjësit. Sesioni ofroi informacion të rëndësishëm dhe frymëzim, duke theksuar se parandalimi dhe kujdesi fillojnë nga secili prej nesh dhe se veprimi në kohën e duhur mund të bëjë ndryshimin.
Në kuadër të programit “Expanding Choices”, NLB Banka sh.a. Prishtinë bashkëpunoi me Rrjetin CSR Kosova dhe UNFPA në Kosovë për të rritur ndërgjegjësimin mbi kancerin e gjirit tek punonjëset. U organizuan sesione online dhe fizike, duke ofruar udhëzime mbi zbulimin e hershëm, shenjat paralajmëruese dhe zakonet e shëndetshme për të theksuar rëndësinë e kujdesit proaktiv.
Meridian Corporation iu bashkua fushatës për ndërgjegjësimin mbi kancerin e gjirit si pjesë e programit “Expanding Choices”. Në bashkëpunim me UNFPA në Kosovë dhe Rrjetin CSR Kosova, u organizua një sesion informues për punonjëset mbi parandalimin, zbulimin e hershëm dhe rëndësinë e bisedave të hapura mbi shëndetin e gjirit në vendin e punës.
Meridian Express iu bashkua iniciativës për të rritur ndërgjegjësimin mbi kancerin e gjirit, duke theksuar rëndësinë e kujdesit të hershëm dhe shëndetit të grave. Në bashkëpunim me UNFPA Kosovë, Rrjeti CSR Kosova organizoi një sesion informues për punonjëset, ku u dhanë udhëzime mbi parandalimin, zbulimin e hershëm dhe integrimin e zakoneve të shëndetshme në përditshmëri.
Në kuadër të fushatës Tetori Rozë, Rrjeti CSR Kosova, në bashkëpunim me UNFPA në Kosovë dhe kompanitë kampione të programit “Expanding Choices”, organizoi një sesion informues për punonjëset e BKT Kosovë nga të gjitha rajonet. Sesioni theksoi rëndësinë e zbulimit të hershëm dhe integrimit të zakoneve të shëndetshme në jetën e përditshme për të mbrojtur shëndetin e grave.
TITAN SHARRCEM organizoi aktivitete dhe ofroi kontrolle falas për gjirin në komunitetin e Hani i Elezit.
