Mentorët vullnetarë fuqizojnë të rinjtë për ndryshim shoqëror

Mentorët vullnetarë të angazhuar në Skemën e Mentorimit të Kosovo CSR Network vazhduan të mbështesin të rinjtë kosovarë në zhvillimin e aftësive vet-avokuese dhe lidershipit.

Gjatë punëtorisë “Podium – Avokimi për Ndryshim Shoqëror”, e organizuar këtë herë në Gjakovë, të rinjtë patën mundësinë të zhvillojnë aftësitë e tyre komunikuese, të mësojnë mbi avokimin efektiv dhe të forcojnë kapacitetet e tyre për t’u bërë agjentë të ndryshimeve pozitive në komunitetet e tyre.

Përmes ndarjes së njohurive dhe përvojës profesionale, mentorët kontribuan në fuqizimin e të rinjve dhe në mbështetjen e tyre drejt zhvillimit personal dhe profesional.

Falënderojmë mentorët tanë për përkushtimin dhe kontributin e tyre të vazhdueshëm në fuqizimin e gjeneratës së re.