Platforma Këshilluese “Nuk Je Vet”

“Nuk Je Vet” është një platformë këshilluese online e dedikuar për të rinjtë, duke ofruar një ambient të sigurt dhe konfidencial ku ata mund të shprehin shqetësimet e tyre dhe të marrin këshilla profesionale.

Platforma u mundëson të rinjve të kenë qasje në këshillim dhe mbështetje për sfidat që përballen në jetën e përditshme dhe gjatë procesit të rritjes, veçanërisht në periudhën e adoleshencës. Përmes kësaj forme online, të rinjtë mund të komunikojnë lehtësisht me ekspertë nga fusha të ndryshme, të gatshëm për t’iu përgjigjur pyetjeve dhe shqetësimeve të tyre më personale.

Qëllimi i kësaj faqeje është të ofrojë këshillim profesional, falas dhe të qasshëm për të rinjtë. Platforma synon të mbulojë mungesën e shërbimeve këshilluese për të rinjtë në shkolla dhe institucione shëndetësore.

“Nuk Je Vet” përfaqëson një hap të rëndësishëm drejt forcimit të mbështetjes për shëndetin mendor dhe krijimit të hapësirave të sigurta për të rinjtë në Kosovë.