Recura Financials kontribuon në komunitet dhe zhvillimin e stafit

Anëtari i Kosovo CSR Network, Recura Financials, i kushton rëndësi të veçantë zhvillimit profesional të stafit dhe vepron në përputhje me parimet e përgjegjësisë shoqërore korporative.

Përveç investimit në karrierat e ekipit të tyre, Recura është e angazhuar edhe në iniciativa që mbështesin komunitetin. Kompania ka kontribuar në fushata për dhurimin e librave dhe materialeve shkollore për fëmijët nga familjet në nevojë, duke ndihmuar në përmirësimin e qasjes së tyre në edukim.

Gjithashtu, Recura mbështet organizata që punojnë me grupe të margjinalizuara dhe organizon rregullisht iniciativa për dhurim vullnetar të gjakut, duke dëshmuar përkushtimin e saj ndaj mirëqenies së komunitetit.