Banka Raiffeisen mbështet nxënësit në Prizren

Edhe njëherë, Banka Raiffeisen, anëtar patron i Rrjetit CSR Kosova, dëshmoi përkushtimin e saj ndaj komunitetit duke iu bashkuar iniciativës së Unicef Kosovo Programme për mbështetjen e fëmijëve në nevojë.

Në kuadër të kësaj nisme, Banka Raiffeisen dhuroi 250 pajisje shkollore dhe 151 tabletë për nxënësit e tri shkollave në Komunën e Prizrenit. Këto pajisje do t’u mundësojnë fëmijëve ndjekjen e mësimit online dhe do të lehtësojnë qasjen e tyre në arsim gjatë periudhave sfiduese.

Ky kontribut është një shembull i përgjegjësisë shoqërore në veprim dhe një dëshmi e rolit aktiv që sektori privat luan në mbështetjen e arsimit dhe zhvillimit të fëmijëve.

Rrjeti CSR Kosova mbetet krenar për anëtarët e saj që vazhdimisht tregojnë përkushtim ndaj shoqërisë dhe komunitetit ku operojnë.