Mentorimi online promovon stil të shëndetshëm të jetesës për të rinjtë

Në kuadër të projektit “Skema e Mentorimit”, Kosovo CSR Network organizoi një sesion online me mentorin Baton Gashi, i cili ndau përvojën dhe këshillat e tij mbi rëndësinë e aktivitetit fizik dhe mirëqenies së përgjithshme.

Gjatë sesionit, ai inkurajoi të rinjtë që të vazhdojnë të qëndrojnë aktivë dhe të kujdesen për shëndetin e tyre, edhe në kushte shtëpiake. Angazhimi i pjesëmarrësve u reflektua përmes diskutimeve, pyetjeve dhe interesimit të tyre për sportin dhe stilin e shëndetshëm të jetesës.

Falënderojmë UNICEF Kosovo Programme dhe UNICEF Innovations Lab Kosovo për mbështetjen e vazhdueshme në organizimin dhe realizimin e këtyre aktiviteteve virtuale, të cilat synojnë fuqizimin dhe inspirimin e të rinjve.

“Skema e Mentorimit” implementohet nga Kosovo CSR Network dhe përkrahet nga UNICEF Kosovo Programme.