Meridian Express dëshmon sërish përkushtim ndaj shoqërisë

Meridian Express, kompani anëtare e Rrjetit CSR Kosova, dëshmoi edhe një herë përkushtimin e saj ndaj shoqërisë duke mbështetur aktivitetet e organizuara me rastin e Ditës Botërore të Mjedisit.

Ky aktivitet u realizua në bashkëpunim me Let’s Do It Kosova dhe shënon fillimin e një fushate mjedisore tre mujore me qëllim rritjen e vetëdijes dhe përmirësimin e gjendjes mjedisore në vend.

Përmes kësaj iniciative, Meridian Express kontribuon në promovimin e mbrojtjes së mjedisit dhe inkurajon veprim të përbashkët nën moton “Ta pastrojmë Kosovën.”

Këto veprime reflektojnë angazhimin e vazhdueshëm të kompanisë për praktika të përgjegjshme biznesi dhe përfshirje aktive në zhvillimin e komunitetit.