Kosovo CSR Network organizon ligjërata online për mbështetjen e të rinjve

Edhe gjatë kësaj periudhe sfiduese, Kosovo CSR Network, me përkrahjen e UNICEF Kosovo Programme, vazhdon të organizojë aktivitete online për të mbështetur mirëqenien dhe zhvillimin e të rinjve.

Në kuadër të projektit “Skema e Mentorimit”, më 25, 26 dhe 27 mars do të organizohen ligjërata dhe sesione virtuale me mentorë profesionistë. Floriana Bajrami, instruktore e certifikuar e Yoga, do të ndajë këshilla mbi menaxhimin e stresit dhe meditimin, të shoqëruara me një sesion praktik relaksues. Ndërkohë, Baton Gashi do të flasë për rëndësinë e aktivitetit fizik dhe ndikimin pozitiv që ka në shëndetin fizik dhe mental.

Këto aktivitete synojnë të ofrojnë mbështetje për të rinjtë, duke i ndihmuar ata të qëndrojnë aktivë, të motivuar dhe të kujdesen për mirëqenien e tyre gjatë kësaj kohe.

“Skema e Mentorimit” implementohet nga Kosovo CSR Network dhe përkrahet nga UNICEF Kosovo Programme.