Rrjeti CSR Kosova vazhdon investimin në hapësira të gjelbra

Rrjeti CSR Kosova vazhdon përkushtimin e tij për qëndrueshmëri mjedisore duke investuar në krijimin dhe rikthimin e hapësirave të gjelbra në Kosovë.

Në bashkëpunim me Let’s Do It Kosova, u mbollën edhe 30 pisha në Fushën e Pajtimit, një lokacion që më parë ishte përdorur si deponi mbeturinash. Kjo iniciativë synon transformimin e hapësirave të neglizhuara në ambiente të gjelbra dhe të shëndetshme për komunitetin.

Ky aktivitet është pjesë e përpjekjeve të vazhdueshme për të promovuar ndërgjegjësimin mjedisor dhe për të inkurajuar veprime të përgjegjshme ndaj mbrojtjes së natyrës.

Në ditët në vijim do të vazhdojë mbjellja e pishave në lokacione të tjera, duke kontribuar në përmirësimin e hapësirave publike dhe forcimin e përgjegjësisë mjedisore në Kosovë.