Takime informuese në Gjakovë për programin Kosovo Generation Unlimited

Kishim kënaqësinë të zhvillojmë takime informuese me komunitetin e bizneseve në Gjakovë, ku u theksua nevoja dhe gatishmëria e bizneseve lokale për angazhimin e të rinjve në veprimtaritë e tyre biznesore.

Në Gjakovë, Rrjeti CSR Kosova organizoi sesione informuese edhe me studentët e Universitetit të Gjakovës “Fehmi Agani”, ku prezantoi programin e punës praktike Kosovo Generation Unlimited.

Të rinjtë e kësaj komune u informuan lidhur me:

Benefitet profesionale të programit

Pjesëmarrjen e tyre në punë praktike

Procesin e aplikimit

Kontributin që ata mund të japin te punëdhënësit potencial

Sesioni u shoqërua me pyetje të shumta nga pjesëmarrësit.

K-GenU do të vazhdojë të mbajë sesione edhe për të rinjtë e komunave të tjera.

Regjistrohuni në platformën online https://kosovogenu.com/
apo shkarkoni aplikacionin:
Apple App Store – Kosovo Genu
Google Play Store – Kosovo Generation Unlimited

dhe shfletoni të gjitha mundësitë të cilat ju ndihmojnë të krijoni eksperiencën tuaj të parë profesionale – punën praktike.

Programi i punës praktike po implementohet nga Rrjeti CSR Kosova në partneritet me Ministrinë e Financave, Punës dhe Transfereve dhe programin e UNICEF-it në Kosovë.