Ceremonia e Çmimeve CSR 2024 feston Ekselencën në Qëndrueshmëri dhe Përgjegjësi Korporative

Patëm nderin të organizojmë Ceremoninë e Çmimeve CSR 2024, një festë e përkushtimit, inovacionit dhe dedikimit për një të ardhme më të qëndrueshme dhe gjithëpërfshirëse.

Mbrëmja nisi me fjalën hyrëse të Zana Bajrami Rama, Drejtoreshë Ekzekutive e Kosovo CSR Network, e ndjekur nga një fjalim frymëzues nga Arnhild Spence, Koordinatore për Zhvillim e Ekipit të OKB-së në Kosovë. Së bashku, ato vendosën tonin e një eventi të dedikuar për njohjen e kontributeve të jashtëzakonshme të sektorit privat të Kosovës në qëndrueshmëri dhe përgjegjësi korporative.

Nën patronatin e CSR Europe dhe me mbështetjen e UN Women Kosovo dhe Sharrcem, pjesë e TITAN Group, eventi vuri në pah angazhimin dhe ndikimin e sektorit privat në avancimin e praktikave të përgjegjshme dhe zhvillimit të qëndrueshëm.

Urime të gjithë fituesve tanë që po vendosin standarde të larta në avancimin e përgjegjësisë korporative në Kosovë:
• Raiffeisen Bank për Ekselencë Korporative në CSR
• Aeroporti Ndërkombëtar i Prishtinës “Adem Jashari” për Fuqizimin e Grave
• ProCredit Bank Kosova për Ndikim të Qëndrueshëm
• Leke Musa për Kontribut Individual në CSR
• CITY INN si Ylli në Ngritje në CSR

Puna e secilit të nderuar na kujton se suksesi i vërtetë vjen nga nxitja e ndryshimit pozitiv dhe krijimi i një ndikimi afatgjatë. Faleminderit të gjithëve që iu bashkuat këtij rrugëtimi drejt një të ardhmeje më të mirë.

Së bashku, mund të vazhdojmë të ndërtojmë një të nesërme të qëndrueshme.