Bashkëpunim me IPKO Foundation për skemën e mentorimit

Rrjeti CSR Kosova ka nisur bashkëpunimin me IPKO Foundation për zbatimin e një skeme mentorimi me qëllim fuqizimin dhe zhvillimin e të rinjve në Kosovë.

Kjo iniciativë do të angazhojë ekspertë të sektorit privat dhe mentorë të rinj për të mbështetur të rinjtë në zhvillimin e aftësive, rritjen e punësueshmërisë dhe përmirësimin e pjesëmarrjes së tyre në tregun e punës dhe në proceset vendimmarrëse.

Përmes mentorimit të strukturuar dhe shkëmbimit të njohurive, programi synon të rrisë kapacitetet e të rinjve dhe të forcojë lidhjen ndërmjet sektorit privat dhe gjeneratës së ardhshme të profesionistëve.

Rrjeti CSR Kosova mbetet i përkushtuar në ndërtimin e partneriteteve që fuqizojnë rininë dhe kontribuojnë në zhvillimin e qëndrueshëm social dhe ekonomik.