Art House i bashkohet Rrjetit CSR Kosova si anëtar i ri

Rrjeti CSR Kosova ka kënaqësinë të mirëpresë Art House si anëtarin më të ri të rrjetit tonë. Art House është kompani që ofron produkte dhe shërbime të avancuara në fushën e printimit, duke përfshirë printera, pajisje shumëfunksionale dhe zgjidhje për shtypje digjitale.

Shërbimet e kompanisë përfshijnë projekte të printimit të menaxhuar (MSP), vlerësimin dhe optimizimin e mjediseve të printimit, menaxhimin e dokumenteve dhe arkivimin, si dhe mbështetje për institucione qeveritare, financiare, arsimore dhe biznese private.

Jemi të lumtur që Art House i bashkohet Rrjetit CSR Kosova dhe presim bashkëpunime të suksesshme në promovimin e praktikave të përgjegjshme dhe zhvillimit të qëndrueshëm.